Kryeministri Edi Rama zhvilloi këtë të enjte një intervistë në emisionin “Opinion”.
Ai iu përgjigj pyetjes së Blendi Fevziut se pse nuk shkon në parlament. Kreu i qeverisë u shpreh se do të jetë më pak i angazhuar “në politikën e llafeve të përditshme”.
“E kam thënë, do të jem shumë i përqëndruar në punët e përditshme sesa në politikën e llafeve. Jam angazhuar me zell të madh dhe zjarr për vite edhe në atë parlament, por besoj se pa dashjen time jam bërë pjesë e diçkaje që është një hall i madhe dhe shqetësim i madh për publikun, ndihem bashkëfajtor në gjithë atë skenë , që është larg qënies e denjë për ata që na japin neve besimin.
Nuk kam më besimin që të hyj e të dalë si në fushatë elektorale. Angazhimi im do jetë i ndryshëm për të shlyer atë lloj pafajësie”, tha Rama.
E keni detyrim kushtetues që t’i përgjigjeni parlamentit, i mirë apo i ke e gjykojnë votuesit?
Nuk vendos si do sillet opozita, po si sillem vet.
I jepet skema e fryrjes së bilbilave në vitin 2006.
Nuk fola për këtë, se në parlament mund të frysh dhe bilbilat.
Kisha parasysh nivelin e ulët të edukatës. Unë do shkoj në parlament , kur e shoh unë të arsyeshme.
Nëse gjatë gjithë vitit nuk e shihni të arsyeshme nuk do shkoni?
Nuk flas me nëse e shihni të arsyeshme. Më vjen turp që nuk kam arritur të ndryshojë këtë parlament. Edhe unë jam bërë pjesë disa herë sepse është ajo shprehja, “Kush fle me qenin do gdhihet me pleshta”.
Si shpjegohet qe ju përjashtoni 14 deputet?
Unë nuk përjashtoj deputet. Por besoj s enuk ka shqiptar normal që nuk pajtohet në përjaahtimin e atyre deputetëve që kthejne kuvendin në një mejhane që nxjerrin nga goja cdo fjalë dhe përveç kësaj ushtrojnë dhe forcë duke penguar parlamentin.
Parlamenti është vendi ku ka të drejtë fjalë gjithsecili dhe ku askush nuk ka të drejtë të pengojë tjetrin të flasë.
