Komisioni i Etikës vendosi sot përjashtimin e deputetëve Sali Berisha, Edi Paloka, Flamur Noka dhe Belind Këlliçi për zhurmën e shkaktuar në seancën parlamentare.
Por duket se mazhoranca ka përdorur dy standarde me penalizimin e dhënë për deputetët e opozitës. Një skenë e ngjashme në Parlament është zhvilluar edhe në vitin 2006, kur Partia Socialiste ishte në opozitë.
Siç shihet nga video, në këtë seancë evidentohen deputetë dhe ish-deputetë të PS-së, si Fatmir Xhafaj, Pandeli Majko, Erion Braçe, Arta Dade e Valentina Leskaj, Musa Ulqini, Namik Dokle, Kastriot Islami e të tjerë, të cilët ishin mbledhur në foltoren e Kuvendit dhe nuk lejonin fjalimet.
Madje ata përdornin bilbila e vuvuzela për të krijuar kakofoni në seancë, duke mos lejuar mazhorancën e asaj kohe që të fliste. Për më tepër, Arta Dade e shoqëruar nga kolegë të saj, ju sulën dhe kryetares së Kuvendit Jozefina Topalli, duke i tërhequr mikrofonin.
E tillë për nga përdorimi i bilibilave dhe zënia e foltores. Deputetët e PD-së, ashtu si socialistët në 2006-ën, kërkojnë fjalën e lirë. Asohokohe, mazhoranca nuk mori masa për përjashtimin e deputetëve opozitarë nga seancat parlamentare.
Ndërkaq, mazhoranca e sotme duket se nuk e pëlqen “protestën” brenda Parlamentit të zhvilluar nga opozita, dhe në kohë të ndryshme, mban qëndrime të ndryshme për një çështje që e ka bërë edhe vetë më parë.
