Përjashtohen me 10 ditë nga Kuvendi, kreu i Partisë Demokratike Sali Berisha dhe Flamur Noka, kurse deputetët e tjerë Edi Paloka dhe Belind Këlliçi janë përjashtuar 5 ditë.
Vendimi për të përjashtuar deputetët u mor në Sekretariatin për Procedurat, Votimet dhe Etikën në Kuvend. Kërkesa për përjashtimin e deputetëve të Partisë Demokratike erdhi nga maxhoranca socialiste në lidhje me bllokimin e foltores dhe kaosin e shkaktuar gjatë seancës plenare të së enjtes.
Deputetët e Partisë Demokratike, me në krye ish-kryeministrin Berisha gjatë seancës së shkuar kërkuan “llogari” për mungesën e kryeministrit Edi Rama dhe kërkojnë një mocioni me debat në lidhje me përfshirjen e tij në “çështjen McGonigal”.
Ndërkohë Sali Berisha më parë ka paralajmëruar një tjetër protestë nesër në orën 10:00 përballë Kuvendit. Me shumë gjasë Berisha do të jetë ai që do të qëndrojë në krah të protestuesve përballë Kuvendit, madje kryedemokrati paralajmëroi socialistët se nuk do ta kenë të lehtë të përballen me atë që e quajti “revoltë popullore“, ku nuk përjashtoi as situatën e tensionuar.
