Kryetari i Partisë Demokratike, Sali Berisha mbërriti në selinë blu pas përfundimit të protestës së opozitës, që u zhvillua para godinës së Kuvendit.
Në fjalën e tij, Berisha u shpreh se deputetët socialistë dhe ministrat u larguan nga seanca për shkak të protestës.
Sipas tij, beteja do të vazhdojë deri në largimin e kryeministrit Edi Rama.
“Parlamenti dëshmoi se çfarë përfaqëson sonte. U detyruan të lënë parlamentin dhe të largohen, sepse e vërteta është se janë shumë më afër me bandat dhe krimin se sa me tempullin e demokracisë.
Kjo betejë do të vazhdojë, do të vazhdojë deri në fitoren e plotë të revolucionit demokratik, mbi monizmin e bazuar në krimin, drogën, e Edi Ramës. Edhe njëherë mirënjohje të pakufishme. Rrofshi ju, rroftë Shqipëria!”, theksoi ai.
