Deputetja e Partisë së Lirisë, Monika Kryemadhi thotë se ka dalë ditën e sotme në protestë si një qytetare e lirë.
Në një deklaratë për gazetarët, Kryemadhi tha se nuk e di se sa do zgjasë protesta pasi shtoi se ka qenë PD ajo që e ka organizuar.
“Nuk e kam idenë se sa do zgjasë. Unë jam një nga deputetët e PL. Dal si qytetare, jo si lider politik, menyra se si Rama po trajton shoqerinë shqiptare. Sot nuk është historia për të dalë për politkë. Si vjen ndryshimi ka mënyra nga më të ndryshmet”– tha kryemadhi para selisë së PL.
Përsa i përket fotove të publikuara së fundi në media për çështjen “McGonigal”, Kryemadhi tha se “fotografitë e vjetra nuk e shpëtojnë Edi Ramën sepse as Ilir Meta, as Shkëlzen Berisha, as Sali Berisha nuk kanë paguar para për të korruptuar agjentin e FBI-së.”
“Sot ka shumë arsye për të protestuar. Duhet të dalim të tregojmë se çdo gjë nuk është ajo që tregon Edi Rama. Mënyra se si largohet Edi Rama është e ndryshme.
Në SHBA Serwer më ka thënë se rruga juaj është e gjatë. Mendoj që protesta e studentëve është shembulli më i mirë, protesta e armëve kimike është shembulli i mirë. Pastaj hapat e tjerë mendoj që janë të ndryshme.
Më bëhet shumë qejfi që djali i hallës së Ilir Metës ka nxjerrë arkivin e 2013 ku Ilir Meta ishte në një takim me ambasadorin kinez.
Fotografitë e vjetra nuk e shpëtojnë Edi Ramën sepse as Ilir Meta, as Shkëlzen Berisha, as Sali Berisha nuk kanë paguar para për të korruptuar agjentin e FBI-së.
Ditë të shtune dhe ditë pushimi nuk ka protestë, ka manifestim. Protestë ka kur ne deputetët rrimë brenda në parlament dhe qytetarët jashtë dhe i kapim si miu në çark”, tha Kryemadhi.
