Kryeministri Edi Rama, ministri i Brendshëm Bledi Çuçi dhe kryepolici Muhamet Rrumbullaku kanë heshtur lidhur me dhunën ndaj gazetarëve të emisionit “Fiks Fare”. Faktin e vë në dukje dhe gazetari Klodian Tomorri, i cili ngre pikëpyetje për qëndrimin e tyre.
“Tashme goditjet, kercenimet dhe sulmet ndaj gazetaret po behen thuajse te perditshme. Rasti i fundit ishte edhe me i rende, ku koleget e Fiks Fare u kercenuan me arme dhe madje u mbajten peng teksa ishin duke bere punen e tyre. Serish heshtje nga qeveria. Me keto ritme, Blendi Cuci do te mbahet mend si ministri i brendshem i nje vendi ku jane sulmuar dhe kercenuar me shume gazetare edhe se ne zonat e konflikteve te armatosura. Ndersa shefi i tij, si kryeministri qe ka ndertuar nje vend ku gazetaret mund te merren peng dhe te kercenohen ne mes te dites. Askush nga keta nuk thote nje fjale te denoje sulmet ndaj gazetareve, jo me te ndertojne nje vend ku gazetaret nuk sulmohen. Lere pastaj drejtori i Policise”, shkruan në një reagim në sociale Tomorri.
Ai shton se tani kanë filluar të heshtin dhe ambasadat.
“Ambasadat, ato qe reagojne dhe na japin direktiva per cdo gje; si te luftojme korrupsionin, si te zgjedhim zyrtaret, etj etj, nuk po thone me asnje fjale per gazetaret qe kercenohen. Dikur ishte ndryshe. Heshtni, heshtni se mire e beni. Por kjo eshte nje lufte qe i dihet fundi”, përfundon gazetari.
