Një tërmet tragjik goditi Turqinë dhe Sirinë mëngjesin e së hënës duke shkaktuar mbi 8700 viktima dhe mbi 35 mijë të plagosur.
Një video dramatike e një djali nën rrënojat e tërmetit në Siri po bën xhiron e rrjetit së fundmi. Ai shihet i mbuluar i gjithi me pluhur, i përlotur dhe i frikësuar për jetën e tij. Ai thekson se nuk di se si ta shpjegojë të gjendesh nën rrënoja, pasi nuk e di nëse do të jetojë apo jo.
I riu tregon se në ndërtesën ku jetonte në momentin kur ndodhi tërmeti, gjendeshin edhe tri apo katër familje të tjera. Gjatë videos shihet teksa fillojnë të bien copëza të vogla betoni.
Nga autoritetet siriane nuk është dhënë ende asnjë e dhënë nëse i riu në fjalë ka mundur të shpëtohet.
