Banorët e ish-godinave familjare në ‘Qytet Studenti’, që u shembën pas tërmetit në nëntor të vitit 2019, kanë dalë në protestë ditën e sotme para kryeministrisë.
Me parrulla në duar ata kanë kërkuar që të përfshihen sërish në në programin e rindërtimit, pasi i hoqën nga aty. Po ashtu ata kanë theksuar faktin që bonusi i qirasë u është ndërprerë më 27 dhjetor.
“Pas tre vitesh vazhduam me bonusin e qirasë por më 27 dhjetor na thanë se jemi skualifikuar nga programi i rindërtimit. Por pse, lajmi ishte më i rëndë. Cfarë e shtyu kryetarin e bashkisë të ndryshojë qëndrimin. Tërmeti ishte i tmerrshëm. Mos na hidhni në rrugë. Ju keni në dorën fatin tonë. Bonusi është ndërprerë 27 dhjetor. Neve nuk po i marrin celëst e shtëpisë sonë. Jemi 115 familjarë. Na i premtuan banesat në zonën e 5 majit”, tha një prej banorëve.
“A nuk e dinte vallë kryetari i bashkisë kur ne nuk i kishim pronat tona, në nëntor të 2019 u shpreh se është porosi e kryeministrit se do na shohë dhe ne, ai nuk ishte premtim elektoral, por për atë periudhë fatkeqësie. A kemi të drejtë për t’u ndjerë të pavlerësuar”.
“Ne nuk ishim zaptues, siç na etiketojnë. Kemi qenë qytetarë të rregullt dhe kemi shlyer detyrimet tona. Ne duam të trajtohemi si ata që u prekën nga tërmeti. I bëjmë thirrje kryeministrit që të ndryshojë ligjin dhe të vejë dorën në zemër për ne. Të na bëjë pjesë të rindërtimit.
Ne jemi hequr nga program i rindërtimit. Jemi 115 familjarë. Na i kanë premtuar banesat e reja në zonën e 5-Majtit. Jemi futur në godina, kur nuk kishte studentë brenda. Nuk jemi zaptues e as uzurpues, por qytetarë të strehuar nga halli. I kemi bërë nga e para vetë të banueshme. Kemi qenë me kontrata të rregullta.
Nuk dimë arsyen pse jemi hequr nga programi i rindërtimit. Qiraja ishte simbolike, 13000 lekë ka qenë. Aktualisht po jetojmë me qira, e cila është e papërballueshme. Ato godina u shkatërruan komplet dhe janë ndërtuar të reja. Ne duam të marrim banesa të reja, pasi dhe çmimet janë rritur shumë. Bonusi i qirasë ka qenë jo i mjaftueshme pasi ka qenë në bazë të pjesëtarëve. Ne jemi detyruar të shtojmë para vetë për të plotësuar qiranë”, ka thënë një banor.
