Një dron ka kapur pamje të çuditshme të një forme misterioze në një pyll në Mbretërinë e Bashkuar, ku shumë persona kanë pretenduar se kanë parë ‘fëmijë me sy të zinj’.
Imazhi tregon një hije të madhe në mes të pyllit në Cannock Chase, Staffordshire.
Zona supozohet se është e përndjekur nga ‘vajza me sy të zinj’ famëkeqe, një fantazmë në formën e një vajze të vogël që është parë që nga vitet 1980.
Ka pasur shumë spekulime lokale se këto pamje lidhen me veprimet e vrasësit Raymond Leslie Morris në vitet 1960.
Morris vrau shtatë vjeçaren Christine Darby në vitin 1967.
Ai ishte gjithashtu i dyshuari kryesor për zhdukjen e dy vajzave të tjera të reja në zonë. Që atëherë, besohet se shpirtrat e tyre kanë pushtuar pyjet në zonë.
Mirror raporton se imazhi i ri ka bërë që gjuetarët e fantazmave të deklarojnë zyrtarisht zonën e pushtuar.
Vëzhguesi i fantazmave Robert Pulme tha se shikimet në zonë nuk ishin të rralla.
Ai shpjegoi: ‘Ne kemi pasur shumë raporte për një “vajzë me sy të zi” që shihet duke ecur përreth. Në fillim ajo shfaqet si një vajzë normale dhe shëtitësit janë të shqetësuar se një vajzë e vogël ka humbur në pyll.
‘Pastaj ata shohin sytë e saj dhe ajo thjesht zhduket. Është e frikshme.’
Nuk është hera e parë që pamjet janë kapur në kamera në Cannock Chase.
Në vitin 2015, një hetues fenomenesh paranormale pretendoi gjithashtu se kishte kapur fëmijën fantazmë me sy të zi në kamera.
Pamjet duket se tregojnë një fytyrë të zbehtë dhe të bardhë që shkëlqen në errësirë, me dy sy të zinj të veçantë.
Një vit më parë në 2014, një nënë e re u mahnit kur zbuloi se një foto që ajo kishte bërë me fëmijët e saj në pyll përmbante një ‘fytyrë’ të fshehur në anën e kornizës.
Michelle Mason ndaloi për të bërë një foto të fëmijëve të saj duke u ngjitur në një pemë.
Kur shikonte prapa mbi imazhin, ajo zbuloi figurën e asaj që dukej të ishte një fëmijë i vogël.
