Saimir Sula i riu që u nis në Spanjë për kurim nga Covid dhe u kthye i vdekur është bërë arsyeja e shumë protestave nga motra e tij, në kërkim të drejtësisë për zbardhjen e ngjarjes. Sula ishte shtruar në një spital në Madrid ku humbi jetën dhe u kthye në Shqipëri pa organin e zemrës.
Majlinda Sula, e shoqëruar nga familjarë dhe qytetarë të shumtë ka qenë sot në një protestë përpara Parlamentit Europian, ashtu siç e kishte premtuar në protestat e mëparshme të mbajtura në Tiranë.
Qëllimi i saj është zbardhja e të vërtetës mbi shkaqet e vdekjes së vëllait të saj pasi deri tani ato kanë rënë në vesh të shurdhër. Pasi Saimiri u kthye pa zemër në Shqipëri, motra e tij ka kërkuar ADN e organit por spitali spanjoll nuk pranoi ta bëjë pasi sipas Majlindës ata e kanë trafikuar dhe nuk pranojnë një krim të tillë.
Majlinda ka shkuar deri në Bruksel me pankarta në duar duke kërkuar të drejtën që i takon, zbardhjen e vërtetë të një ngjarje aspak normale.
Në protesta të mëparshme ajo ka deklaruar se ka bindje të plota se spitali ja ka trafikuar zemrën të vëllait pasi ai gëzonte shëndet të plotë dhe se para se të gjente vdekjen e ka telefonuar dhe i ka kërkuar ndihmë.
Protesta të tjera janë zhvilluar më para dhe në Spanjë.
