Një aksident ka ndodhur mbrëmjen e djeshme në Levan të Fierit. Mësohet se shtetasi E.M, ka humbur kontrollin mbi makinën duke dalë nga rruga.
Nga ky aksident është dëmtuar 33-vjeçari dhe pasagjeri në këtë automjet, të cilët ndodhen në spital.
“Specialistët e Sektorit të Qarkullimit Rrugor të DVP Fier referuan materialet në Prokurori dhe nisi procedimi në gjendje të lirë për shtetasin E. M., 33 vjeç, banues në Levan, pasi mbrëmjen e djeshme, në Levan, duke drejtuar automjetin, ka humbur kontrollin dhe për pasojë, automjeti ka dalë nga rruga. Nga ky aksident, është dëmtuar shtetasi E. M. dhe pasagjeri në këtë automjet, shtetasi A. M., 33 vjeç, të cilët ndodhen në spital, në kujdesin e mjekëve”, njoftoi policia.
