Afera McGonigal dhe përfshirja e ish-zyrtarit në akuzë të FBI-së në jetën politike të Tiranës duket se ka qenë shumë herë më e thellë seç ka dalë në dritë aktualisht.
Këtë e la të kuptohej kreu i Partisë Demokratike Sali Berisha teksa në një intervistë për “SyriTV” bëri një deklaratë të fortë, duke thënë se McGonigal ka zhvilluar takime edhe në Prokurorinë e Posaçme Antikorrupsion.
Sipas asaj çka Berisha shpjegoi, ish-zyrtari i FBI-së ka takuar disa prokurorë por njërit prej tyre i ka kërkuar që ta arrestojnë liderin e opozitës.
Berisha u shpreh se prokurorët e SPAK-ut janë një repart partie dhe se nuk mund të hetojnë dot për Ramën.
Pjesë nga INTERVISTA
Presidenti Begaj ka thënë që kërkesa e opozitës për të hetuar këtë është e drejtë, a keni një koment?
Berisha: Po kam një koment, kush ta hetojë? A e dini ju që ai ka qenë këmbëkryq në SPAK?! Siç më thonë ai ka kapur një nga një prokurorët e SKAP-it që ta arrestoni Sali Berishën dhe si ta arrestoni!
McGonigali vetë?
Berisha: Absolutisht dhe ka takuar jo një, por disa kryesore prej tyre. Ca të hetojnë ata?! Berisha ka thënë që është i hapur për çdo hetim. Por çfarë mund të hetojnë ata?! Ata janë repart partie. Di që është marrë me vettingun, të kalojë ky apo ai.
