Pasi vendosi 11 shkurtin datën për protestën e radhës së opozitës, kreu i Partisë Demokratike, Sali Berisha ditën e sotme mblodhi në selinë blu deputetët demokratë për të diskutuar aksionin opozitar gjatë ditëve në vijim.
Në një deklaratë për mediat, Berisha theksoi se Edi Rama duhet të japë sa më parë dorëheqjen pasi sipas tij është kthyer në një armik të vërtetë të Shteteve të Bashkuara të Amerikës referuar skandalit dhe implikimit të kreut të qeverisë në aferën korruptive me ish zyrtarin e FBI “McGonigal”, tashmë i arrestuar në SHBA.
“Mblidhemi në një kohë kritike në shumë aspekte, regjimi i kalbur i Ramës, është sot kryeministri dhe regjimi më i deskridituar pas Koresë së Veriut, Carit dhe Lukashenkos. Rama siç dëshmjnë dokumentat është sjellë ndaj SHBA si të ishte një vend armik dhe jo kontributori kryesor në historinë e lirisë së kombit shqiptar. Dhe jo udhëheqësi i botës së lirë. Akti i Ramës është një thikë e tmerrshme pas shpine që ky njeri i cili ska nder, komb, flamur, dinjitet, ka bërë ndaj kombit amerikan, SHBA dhe më gjerë. Rama ka përbalt pas Enver Hoxhës më shumë se kushdo tjetër emrin e shqiptarit dhe Shqipërisë. Rama e vërteta thashë dhe një herë është sjellë me aktin e tij sic sillet armiqtë ndaj njëri tjetrit. Në këtë mënyrë ai ka lënduar në mënyrë të tmerrshme shqiptaro-amerikanët të cilët që nga viti 1910 e gjer sot në mënyrë të parreshtur trokasin në dyert e ligjvënëseve të tyre. Kjo është ndoshta pas diktakturës java më e vështirë pas diktaturës”, tha Berisha fillimisht gjatë mbledhjes me grupin parlamentar të PD-së.
Berisha akuzoi Ramën se ka tentuar të shkatërrojë me këtë akt korruptiv, opozitën shqiptare.
“Rama është sjellë sikur të jetë i biri i Enverit, i Kim Yong Un-it. Në këtë kontekst mund të themi se ka kryer një akt me pasoja që skalitet gjatë në memorie. Kësaj i thonë; të të vijë nga ai që kurrë nuk e pret. Edi Rama këtë akt të pashembullt, e ka bërë vetëm e vetëm të shkatërrojë opozitën shqiptare. Këtë korruptim, ai e ka bërë vetëm për të rrënuar në një akt armiqësor ndaj demokracisë, për të rrënuar opozitën shqiptare. Korruptoi Mcgonigal, shfrytëzoi dobësitë e një njeriu të degraduar, që shkelmoi betimin që na bërë për t’i shërbyer vendit të tij.”, pohoi Berisha.
