Sali Berisha akuzoi mbrëmjen e kësaj të Mërkure për “korrupsion erotik” të qeverisë ndaj ambasadores Yuri Kim.
Kryetari i PD-së, Sali Berisha e krahasoi ambasadoren amerikane Yuri Kim me Charles McGonigal, gjatë një konference për mediat më herët gjatë ditës.
“Nuk mundet kurrsesi të etiketosh atë ndryshe përveçse McGonigal me fustan. Kujtoni mbështetjen pa kushte që u jepte ministrave të korruptuar të Edi Ramës. Miqve të McGonigal. Kujtoni pak marrëdhëniet e saj me Edi Ramën dhe Erion Veliajn, marrëdhënie të bazuara vetëm në dosje reciproke. E kam denoncuar dhe do i qëndroj deri në fund kësaj”, tha Berisha.
Këtë mbrëmje, në një emision televiziv, ai akuzoi se ka pasur një formë “korrupsioni erotik” mes qeverisë dhe ambasadores Yuri Kim.
Gjatë diskutimit në emisionin “Ora e Betit”, Berishës iu kujtua nga një prej gazetarëve në studio akuzat që ka bërë ndaj ambasadores amerikane Yuri Kim dhe atij britanik King Alar Smith. Berisha është shprehur vazhdimisht se të dy janë korruptuar nga kryeministri Edi Rama. Kreu i PD-së ka folur për korrupsion monetar, politik dhe erotik.
I pyetur “për çfarë e keni fjalën kur flisni për korrupsion erotik”, Berisha u përgjigj: Ja kam thënë unë asaj!
“Asaj?” – u pyet ai nga një prej gazetarëve në studio, i cili u kujdes për të saktësuar se kujt i referohej Berisha, ambasadorit britanik, apo asaj amerikane.
Berisha u përgjigj: Po si s’ja kam thënë mor zotëri? Po shifni ato pushimet me majezërat e qeverisë dhe mu kthyen “po hyn në jetën personale”. Jo nuk hyj në jetën personale unë, po kur kullot në një vallë të qeverisë, atëherë duhet të dish që je në konflikt interesi.
