Policia e Korçës ka arrestuar ditën e sotme një 31-vjeçar pasi është konstatuar jashtë banesës së tij, ndërkohë që ishte me masë sigurie “arrest në shtëpi”.
Shtetasit I.C, banues në Devoll, ishte vendosur kjo masë sigurie për veprën penale “trafikimi i narkotikëve”.
‘Specialistët e Seksionit për Hetimin e Krimeve të Komisariatit të Policisë Devoll arrestuan në flagrancë shtetasin I. C., 31 vjeç, banues në fshatin Çetë, Devoll, për veprën penale “Largimi i të burgosurit nga vendi i qëndrimit”, pasi ky shtetas është konstatuar nga shërbimet e Policisë, jashtë banesës së tij, ndërkohë që ishte me masë sigurie “Arrest në shtëpi”, të caktuar nga Gjykata e Rrethit Gjyqësor Korçë, për veprën penale “Trafikimi i narkotikëve”, kryer në bashkëpunim, mbetur në tentativë, si rezultat i veprimeve procedurale të kryera në kuadër të fazës së gjashtë të operacionit policor të koduar “Restart”,– njofton policia.
