Është dënuar me masën e paraburgimit 38-vjeçari shqiptar Izbi Çaushi, I cili u arrestua të mërkurën për vrasjen e 47-vjeçarit greko-amerikan mëngjesin e së premtes, më 20 janar 2023 në qendër të Kalamatës.
38-vjeçari dyshohet se ka pranuar para autoriteteve se e ka qëlluar viktimën, por ka pohuar se nuk ka pasur për qëllim ta vriste, por ta frikësonte dhe për këtë arsye e qëlloi në këmbë.
Në deklaratën e tij me shkrim, avokati i 38-vjeçarit, Charalambos Lykoudis, tha: “Nga rrethanat e veprës dhe nga të gjitha provat, rezulton mungesa e qëllimit të vrasjes. Vendi që është një vend i ngarkuar, koha që është orë e pikut, kalimi në makinën e tij, shmangia e çdo mjeti për të mbuluar tiparet e tij, gjuajtja e vetme e drejtuar drejt tokës edhe pse ishte në një distancë prej 2- 3 metrash dhe nëse do të mund ta qëllonte në një vend të pambrojtur, janë tregues kyç që të çojnë lehtësisht në përfundimin se klienti im nuk kishte ndërmend të merrte jetën e njeriut. Jam i sigurt se në rrjedhën e çështjes do të ndryshojë akuza”.
