I ftuar në edicionin ‘Ora 19’ me Armela Ferkon në Syri Tv ishte eksperti i sigurisë ndërkombëtare, Adrian Shtuni.
Shtuni është shprehur se kryeministri duhet që të sqarojë të gjithë pozicionin dhe marrëdhënien qoftë dhe miqësore që ai ka pasur me të akuzuarin McGonigal.
“Mendoj se dosja do të ekzistonte dhe pavarësisht emrave të përvetshëm që do të ishin brenda saj. Thelbi i kësaj padie është se një shef i FBI i kundërzbulimit është përfshirë në afera korruptive.
Kemi të bëjmë me shefin e kundërzbulimit të zyrës së FBI në Neë York që është zyra më kryesore, dhe ky zyrtarë është më i larti që është paditur ndonjëherë. Ai është duke u përballur me 13 akuza dhe 2 aktpadi që janë ngritur ndaj atij ku është shumë shqetësuese fakti që ke krime të tilla ku janë falsifikimi dokumenteve, evazion pastrim parash etj
Ai mundet që të burgoset për disa dekada në burg.
Fakti se kryeministri i Shqipërisë përflitet ne lidhje me një aktpadi të profilit kaq të lartë është mjaft problematik sepse ai ka frekuentuar shpesh persona që janë përlyer me afera aq të mëdha.
Shqetësimi që është në Shqipëri këto ditë është shumë legjitim dhe do të ishte në të mirën e kryeministrit që përflitet në këtë akuzë që të sqarojë pozicionin e tij.
Mjafton të lexohet aktpadia se çdo punonjës duhet të raportojë kontakte jozyrtare me zyrtarë të shteteve të huaja dhe duhet që të ndiqen të gjitha protokollet mbi këto takime që zhvillohen.
Ka dy aspekte që të sqarohet publiku, është aspekti ligjor dhe aspekti i detyrimit publik
Në aspektin ligjor është herët që të gjykojmë në bazë të atyre që kanë dalë në publik deri tani, dhe është parim kardinal i drejtësisë amerikane që je i pafajshëm derisa të shpallesh fajtor.
Kur je një person i cili ka pushtet ku person ka një barrë tjetër atë të përgjegjësisë ndaj popullit dhe shtetit që të shpjegojë për lidhjet që ai ka me këta persona.
Një kryeministër ka jetën e vet private por shumëçka në pozita të tilla shtetërore që kanë të bëjnë me inyersat dhe gjërat e publikut ndaj hapësira private limitohet jashtëzakonisht dhe ia duhet që të ketë shpjegime te sakte ne natër3ën e lidhjeve miqësore në këtë rast.”
