Kryetari Partisë Demokratike, Sali Berisha, ka bërë ditën e sotme homazhe në nderim të mjekut të njohur, Isuf Kalo, që ndërroi jetë para pak ditësh pas një sëmundje të rëndë.
Gjatë fjalës së tij Berisha, shprehu konsideratat e veçanta që ndante për mjekun Kalo, ndërsa u ka shprehur ngushëllime të ndjera familjarëve.
“Erdha të shpreh nderimin, ngushëllimet, dhimbjen për humbjen e një miku, me të cilin na bashkon një miqësi e pasionuar në shumë dekada.
Prof. Dr. Isuf Kalo u nda nga jeta, por ai ka pasur dhe ka lënë një kontribut të çmuar në Shqipëri dhe Europë, në shkencën e diabetologjisë, si dhe në standardizimin e shërbimeve mjekësore.
Shpreh edhe njëherë ngushëllimet e mia më të ndjera familjes, miqve dhe të afërmve të profesor doktor Isuf Kalos”, u shpreh Berisha.
