I ftuar në Emisionin ‘Çim Peka Live’ në Syri.Tv ishte ish-deputeti i PS, Ervin Bushati ku tema kryesore e diskutimit ishte skandali diplomatik ‘Rama-Gate’.
Bushati është shprehur kritik me veprimet e Ramës dhe se nuk duhet që të kishte ndërhyrë në punët e brendshme të shteteve partnere si SHBA-të.
“Unë sot e mbroj Ramën. Të rrimë shtrembër dhe të flasim drejtë, ai nuk ka ngarkesë penale ose negative nga dokumentat që janë publikuar deri tani. Kjo çështje është një skandal i madh në SHBA sepse McGonigal ka qenë një agjent mes CIA dhe FBI dhe aty përmendet Shqipëria dhe kryeministri si raste që kanë të bëjnë dhe vërtetojnë se ky ka abuzuar me pushtetin si i dërguar i SHBA që si ka deklaruar kur ka dalë në pension dhe ne nuk duhet që të bëjmë gjyqe publike dhe mediatike për diçka që i përket drejtësisë amerikane.
Kryeministri Rama ka dremitur pak duke parë opozitën në Netflix, sepse edhe kur nuk ke përballë një sfidues të vërtetë të politikën e brendshme duhet që të kesh respekt për federatat partnere.
Kim nuk ka të drejtë që të ndërhyjë për çështje që janë të drejtësisë. Amerika është modeli i mirë i drejtimit të demokracisë dhe kapitalizmit funksional dhe këtu unë po bëj një autokritikë, sepse kur duhet të jesh në sinkron me SHBA duhet të jesh edhe për reformën në drejtësi por edhe për amnistinë fiskale, edhe për luftën në Ukrainë edhe për ndalimin e pasaportave të arta.
Kryeministri Rama duhet që të jetë në pozicionin e partnerit dhe shumë më i kujdesshëm me SHBA-në.”
