Analisti Armand Shkullaku është shprehur se, drejtësia shqiptare duhej ta kishte thirrur menjëherë kryeministrin e Shqipërisë që të jepte shpjegime për dosjen e FBI-së.
Sipas Shkullakut, emri i Edi Ramës figuron 14 herë në dosje dhe sipas asaj dosje, që kryeministri shqiptar nuk e ka mohuar ai ka takuar 4 herë në mënyrë sekrete, shefin e kundërzbulimit të FBI-së, me dy persona privat.
‘Në një vend normal, drejtësia duhet të kishte thirrur menjëherë kryeministrin e Shqipërisë. Emri i atij figuron 14 herë në dosje dhe sipas asaj dosje, që kryeministri shqiptar nuk e ka mohuar ai ka takuar 4 herë në mënyrë sekrete, shefin e kundërzbulimit të FBI-së, me dy persona privat.
Shteti shqiptar ka shërbim informativ, polici, që marrin informacione për çdo njeri që mbërrin deri tek dera e kryeministrit në këto nivele. Çdo njeri që nuk është marrë me politikë të jashtme, kur vjen një njeri i këtyre niveleve, informacioni paraprak përcillet nga ambasada në shtetin përkatës, dhe i thuhet se në datën kaq vjen për takime. Pra nuk bëhen takime me Dor Duçkën dhe Gon Nezën. Këtu mund të takosh Salillarin dhe këta që morën zgjedhjet në Dibër, këta mund të takosh me këta, pi noj gotë verë, bën muhabet e kënaqet”, tha Shkullaku në SYRI TV.
Shkullaku shton: Puna këtu është se ka ardhur një zyrtar i rangut të lartë, për të cilin nuk ka asnjë informacion nga ambasada, por garantë kanë dalë dy njerëz që siç thotë dhe dosja, me interesa biznesi. Pra dy biznesmenë privatë shoqërojnë shefin e kundërzbulimit, ambasada nuk ka asnjë informacion dhe kryeministri i pret. Jo veç që i pret, por i kërkojnë që mos jep licenca për shpim nafte të kompanive guackë se kanë lidhje me rusët, ndërkohë që dy individët kishin interesa direkte.
Drejtësia shqiptare duhet të pyeste kryeministrin, mirë që e prite, por a e di se shpenzimet e udhëtimit dhe qëndrimit dhe ndonjë shërbim tjetër ekstra që mund të ketë dashur në hotel, ja ka paguar Dor Duçka’.
