Një aksident ka ndodhur pasditen e sotme në Vlaorë.
Sipas njoftimit të policisë, shoferi 43-vjeçar humbi kontrollin e makinës dhe për pasojë aksidentoi një qytetar që qarkullonte me biçikletë.
“Sot rreth orës 17:30, në rrugën “Sadik Zotaj”, shtetasi K. G., 43 vjeç, duke drejtuar automjetin “Peugeot”, ka aksidentuar biçiklistin me iniciale B. V., 62 vjeç, i cili ndodhet në spitalin e Vlorës, jashtë rrezikut për jetën. Drejtuesi i automjetit u shoqërua në Komisariat, për veprime të mëtejshme”, njofton policia.
Grupi hetimor po punon për zbardhjen e plotë të rrethanave të aksidentit.
