Nga Klodian Tomorri
Lëmsh agjentësh
1- Lou Bladel është parardhesi i Charles McGonigal në postin e shefit të kundër inteligjencës në zyrën e New Yorkut. Bladel qëndroi në detyrë deri në 2016, kur u zëvendësua nga McGonigal, për t’u tërhequr në sektorin privat, duke kaluar tek “Ernst&Young”.
Në vitin 2018, qeveria shqiptare nënshkroi një marrëveshje me “Ernst&Young” për të luftuar krimin dhe evazionin fiskal. Lou Bladel erdhi të punonte në Shqipëri dhe u emërua nga kryeministri Rama si shefi i strukturës së posaçme, të ngritur pranë qeverisë. Link ( https://www.kryeministria.al/…/nis-faza-e-re-ne-luften…/)
Por veç detyrës si shef i strukturës se posaçme, Bladel ka kryer dhe “operacione informale” për llogari të qeverisë shqiptare. Ai ishte njeriu që hetoi çështjen “Babale”. Link ( https://www.vizionplus.tv/ekskluzive-ne-real-story-ish…/).
Nuk dihet nëse është paguar apo jo “Ernst$Young” për marrëveshjen dhe nëse është paguar apo jo Bladel si shef i strukturës së posaçme, por edhe për angazhimin e tij në hetime jo-zyrtare si Babalja. Në rekordet e thesarit nuk ekziston asnjë gjurmë për ndonjë pagesë të kryer. Por dihet se në Kryeministri ka patur shumë trafik agjentësh dhe ish-agjentësh.
Dikush mund të pyesë çfarë lidhje ka Bladeli me këto që po ndodhin tani?
Shumë.
Bladel është emri nr. 4 në listën e subpoenes së lëshuar nga gjykata amerikane në nëntor për aferën ruso-shqiptare McGonigal. Aktualisht ndaj tij nuk ka asnjë akuzë, por ai është pjesë e hetimit bashkë me Agron Nezën, Thomas Fitzgerald, Donald Aviv dhe dy shtetas boshnjakë.
2-Dokumentat e publikuara nga Departamenti Amerikan i Drejtësisë tregojnë se Yevgeni Fokin, krahu i djathtë i Deripaskës kontaktoi Sergei Shestakov që të lobonin në SHBA për llogari të Deripaskës. Fillimisht Shestakov, kontaktoi Mcgonigal, i cili e lidhi me firmën lobiste “Kobra and Kim” dhe më pas me “Spectrum Risk Solutions”.
“Spectrum Risk” është një firmë e regjistruar në Delaware, e zotëruar nga Agron Neza. Në deklarimet e FARA-s ende nuk ka tabela financiare se kush ka paguar kë dhe sa, por lëmshi duket shumë i madh.
