Policia ka arrestuar këtë të Enjte shtetasen Shqiponja Krosi, e cila ishte shpallur në kërkim.
Blutë bëjnë me dije se Krosi ishte dënuar nga Gjykata e Apelit Tiranë, me 2 vjet e 4 muaj burgim, për veprën penale “Mashtrimi”.
Krosi gjatë kohës që ka administruar një agjenci turistike, ka përvetësuar shuma të konsiderueshme parash
“Shërbimet e Komisariatit të Policisë Vorë kapën shtetasen në kërkim Shqiponja Krosi banuese në Tiranë, pasi Gjykata e Apelit Tiranë, e ka dënuar me 2 vjet e 4 muaj burgim, për veprën penale “Mashtrimi”. Kjo shtetase, gjatë kohës që ka administruar një agjenci turistike, ka përvetësuar shuma të konsiderueshme parash, duke mashtruar qytetarë të ndryshëm se do t’i pajiste me kontrata pune në vendet e BE-së”, njofton policia.
