Kreu i Partisë Demokratike, Sali Berisha është përjashtuar nga Kuvendi i cili prej gati një orë është kthyer në një “arenë të vërtetë” përplasjesh mes opozitës dhe mazhorancës.
Shkak është bërë mungesa e kryeministrit Edi Rama i cili akuzohet se është përfshirë në një mega aferë korruptive në SHBA, duke iu referuar arrestimit të agjentit të FBI-së, McGonigal, njëkohësisht edhe mik i kryeministrit shqiptar.
Berisha kërkoi që kryeministri Edi Rama të vijë në seancë ose të japë dorëheqje dhe të shkojë të dëshmojë në SHBA për takimet e fshehta mes tij dhe ish-zyrtarit amerikan.
Lindita Nikolla: “Kam ezaruar dhe tërheqjen e vëmendjes dhe paralajmërimin. Jemi për masën e tretë që është përjashtim nga seanca të Sali Berishës. Jepet masa disipoinore përjashtimi nga seanca plenare e Sali Berishës se deputeti vazhdon të mbajë të zaptuar foltoren dhe pas vërejtjes dhe paralajmërimit”
Berisha në krahun tjetër nuk liron foltoren e Kuvendit madje nëpërmjet “Facebookut” është lidhur dhe komunikon “direkt” me qytetarët shqiptarë.
