Tirana ka përfituar nga hapat falsë të Partizanit dhe Vllaznisë, duke mposhtur Erzenin 2-0 e duke nisur shkëputjen në krye të renditjes.
Heroi i ndeshjes për bardheblutë ishte Florent Hasani, i cili shënoi dy gola në pjesën e dytë për t’i dhënë 3 pikë shumë të vlefshme ekipit të drejtuar nga Orges Shehi.
Me këtë fitore, Tirana e sheh veten në vendin e parë me 34 pikë, 4 më shumë sesa Partizani i vendit të dytë dhe 6 më shumë sesa Vllaznia e vendit të tretë.
