Shpëtim Idrizi, kreu i PDIU-së ka vendosur të mos jetë me Partinë Demokratike në zgjedhjet e 14 majit. Gjatë një deklarate për mediat, Idrizi është shprehur se pasi PD firmosi me PBDNJ, partia e tij ka vendosur të dalë e vetme në zgjedhje.
“Marrëveshja e sotme e PD me PBDNJ është tregues që vendimi i PDIU është i duhur dhe pa kthim.”, tha Idrizi.
Idrizi nuk ka qenë dakord që Berisha të bëjë një marrëveshje me Vangjel Dulen, marrëveshje e firmosur mesditën e kësaj të mërkure.
Ishin në një listë edhe në zgjedhjet parlamentare të 2021. Megjithatë ndarja tashmë është fakt dhe pritet të shihet si do të ndikojë në rezultatet e zgjedhjeve lokale, që janë një test i rëndësishëm për opozitën, që do të tentojë pas 4 vitesh të rikthehet në pushtetin vendor. Partia Drejtësi, Integrim dhe Unitet në numra elektoral është më e madhe se PBDNJ-së e Vangjel Dules.
