Gjykata e Apelit të Tiranës ka lënë në fuqi masën e arrestit me burg për Rozeta dhe Havier Dobin. Nënë e bir akuzohen për vjedhjen e 540 mijë euro, si dhe disa akserorësh me vlerë në banesën e ish-zyrtares së lartë, Alda Klosi, dhe në banesa të tjera në kryeqytet ku Rozeta punonte si pastruese.
Njoftimi:
Referuar interesimit të mediave, Gjykata e Apelit Tiranë, informon sa më poshtë:
Më datë 15.12.2022, është njoftuar salla Operative e Policisë Tiranë se në Rrugën e “Kosovarëve”, tek pallati “Orion” është vjedhur banesa e shtetases me iniciale A.K Nga veprimet hetimore ka rezultuar se autorë të dyshuar të vjedhjes së banesës së shtetases me iniciale A.K, është shtetësja me iniciale R.D, e punësuar si pastruese së bashku me djalin e saj me iniciale H.D.
Gjykata e Rrethit Gjyqësor Tiranë, ka zhvilluar gjykimin lidhur me ndalimin dhe caktimin e masës së sigurimit “arrest ne burg”, ndaj personave nën hetim shtetasve me iniciale R.D dhe H.D të dyshuar për kryerjen e veprës penale të “Vjedhje” e pasurisë që ka sjellë pasoja të rënda e kryer në bashkëpunim, parashikuar nga nenet 134/3 dhe 25 të Kodit Penal.
Me vendimin nr. 42 Akti, datë 09.01.2023 Gjykata e Rrethit Gjyqësor Tiranë vendosi:
- Vlerësimin si të ligjshëm të ndalimit të personit nën hetim D.
- Caktimin si masë sigurimi personal ndaj personit nën hetim D, atë të “arrestit në burg”, të parashikuar nga neni 238 i K.Pr.Penale.
- Vlerësimin si të ligjshëm të ndalimit të personit nën hetim D.
- Caktimin si masë sigurimi personal ndaj personit nën hetim D, atë të “arrestit në burg”, të parashikuar nga neni 238 i K.Pr.Penale
Çështja në apel u shqyrtua vetëm mbi bazën e ankimit të bërë nga personi nën hetim me iniciale H.D, i cili kërkoi ndryshimin e vendimit, lidhur me masën e sigurimit, duke caktuar atë të “arrestit në shtëpi”.
Në përfundim të gjykimit Gjykata e Apelit Tiranë, e përbërë nga Gjyqtare znj.Elona Mihali, me vendimin e datës 25.01.2023 vendosi:
Miratimin e vendimit nr.42 akti date 09.01.2023 te Gjykates se Rrethit Gjyqesor Tirane
