Kryebashkiaku i Tiranës, Erion Veliaj ka lënë në “mëshirë të fatit” mbi 1 milionë banorë të kryeqytetit.
Së fundmi sekretari i Përgjithshëm i Partisë së Lirisë, Tedi Blushi ka ngritur shqetësimin e infrastrukturës e shkatërruar në disa rrugë kryesore të Tiranës.
Me anë të një postimi në Facebook, Blushi thotë se në 8 vite bashkia e Tiranës me në krye Veliajn nuk ka bërë asnjë investim në infrastrukturë. Blushi ka publikuar disa pamje nga rruga “Vjosa” që siç thotë ai me nota ironike “Vjosa” ka ardhur në mes të Tiranës” kurse qytetarët përballen çdo ditë me baltën dhe rrugën e shkatërruar në mes të kryeqytetit.
Gjithashtu Blushi fton qytetarët që në zgjedhjet e 14 majit të ndëshkojnë me votë Erion Veliajn në mënyrë që situata të ndryshojë.
Reagimi nga Tedi Blushi:
“VJOSA” KA ARDHUR NË MES TË TIRANËS!
PREMTIMET E ERION VELIAJ I MORI LUMI!
Sonte në mbrëmje në Rrugën “Vjosa” tek Njësia Bashkiake Nr.9, vetëm 7 minuta në këmbë nga Sheshi “Skënderbej”.
Siç e ka emrin rruga, po ashtu është edhe gjendja e saj. Më mirë mund të përkufizohet si lumë dhe jo si rrugë. Prej tetë vitesh zero investim në infrastrukturë nga Bashkia e Tiranës.
Premtimet e Veliaj për rrugë të asfaltuar i mori lumi. Banorët duhet të përdorin kanoet për të hyrë në shtëpitë e tyre.
Ndaj më 14 Maj qytetarët do ta ndëshkojnë masivisht me votë Kryehajdutin dhe Kryemashtruesin e Tiranës! Ndryshim Me Cdo Cmim”, shkruan Blushi.
