“The Sun” i ka kushtuar një artikull bandave shqiptare të drogës në Britani, të cilat po dominojnë tregun e trafikut të kokainës.
Artikulli tregon se si të huajt kanë krijuar lidhje të rëndësishme me kartelet e drogës, si ato të Amerikës Latine.
Nuk dihet saktësisht se çfarë kontakti kanë bandat në Britani me me ato amerikanet, por shqiptarët që jetojnë në Amerikën Latine thuhet se janë lidhja mes tyre.
“Marrëdhënia e tyre është e suksesshme. Pavarësisht disa vrasjeve, ajo ka qenë shumë e suksesshme. Fakti që ne shohim shumë dërgesa që mbërrijnë në Europë, të cilat shqiptarët i kanë nën kontroll, tregon se është në funksion. Është një lidhje e fortë dhe e vendosur mes shqiptarëve dhe karteleve. Shumë solid dhe i vendosur mirë”, ka thënë një ekspert i bandës së drogës për “The Sun”.
Bandat e Amerikës Latine u dërgohet e gjithë droga dhe më pas janë ata që do t’i furnizojnë bandat e tjera britanike, duke përmbytur rrugët e Britanisë.
Marrëdhënia e tyre me shqiptarët në Amerikën Latine, e për rrjedhojë edhe me kartelet, u vendosën aq mirë, saqë ata tani veprojnë si porta për drogën në Britani. Atyre u dërgohen dërgesa dhe më pas i furnizojnë bandat e tjera britanike, duke përmbytur rrugët e MB me kokainë.
Shqiptarët në Amerikën Latine konsiderohen madje si “ambasadorë” të bandave në Britaninë e Madhe, tha eksperti.
Ai shtoi: “Njerëzit do të veprojnë si ndërmjetës midis karteleve dhe organizatave kriminale në Evropë dhe në Mbretërinë e Bashkuar. Ata janë thjesht njerëz normalë që veprojnë si ndërmjetës.”
Ata kanë reputacionin tani si shitës të mirë në mesin e klientëve në MB.
“Për ta është thelbësore të kenë furnizime. Për sa kohë që kanë furnizime, ata i shesin menjëherë. Ata kanë reputacionin tani si shitës të mirë në mesin e klientëve në MB. Dhe është e vështirë të ndërpritet sepse bandat shqiptare në Britani janë pika e fundit e zinxhirit.
Zakonisht ndërmjetësit në Amerikën Latine bien dakord të dërgojnë sasi të mëdha kokaine në portet evropiane, duke përfshirë Holandën, Belgjikën dhe Spanjën”, tha eksperti.
