32-vjeçarja Orjana Gremi me aktin e saj të rëndë tronditi mbarë opinionin publik, pasi hodhi foshnjën e saj në lumin Kir.
Ngjarja e rëndë është denoncuar nga murgeshat e bofotrofit në Shkodër më datën 06.01.2023, të cilat ishin vënë në dijeni nga reparti obsetri gjinekologji se një nënë që kishte lindur bebe të seksit mashkull më 30.12.2022, dëshironte t’ia dorëzonte murgeshave foshnjën.
Në këto kushte ato ishin pregatitur që kur nëna dhe bebi të ishin gati, të akomodonin beben, por kjo gjë nuk ndodhi ndaj kërkuan të vihen në kontakt me nenën, me të cilën kanë mundur të kontaktonin vetëm me dt. 06.01.2023, pasi ajo kishte dhënë adresë të rreme në spitalin Rajonal Shkodër.
Boldnews.al mëson se pasi murgeshat janë vënë në kontakt me shtetasen e identifikuar si Orjana Gremi, fillimisht ajo u ka thënë se nuk kishte lindur asnjë fëmijë, por pas telefonatës me kamerën e hapur me psikologen e spitalit, shtetasja Orjana kishte pranuar faktin se jo kishte lindur një fëmijë.
Pas insistimit të murgeshave se ku ndodhej fëmija, shtetasja Orjana Gremi u ishte shprehur se ajo e kishte hedhur fëmijën e saj në lumin KIR.
Murgeshat janë vënë menjëherë në lëvizje, duke kërkuar beben përgjatë bregut të Lumit Kir, aty ku vetë O.G, i kishte çuar.
Në kërkime për beben janë përfshirë edhe banorët e fshatit Myselim, por duke qenë se ishte errësirë murgeshat të shqetësuara dhe pak mosbesuese ndaj deklarimeve të Orjana Gremit i janë drejtuar Komisariatit të Policisë për të kërkuar ndihmë në gjetjen e bebes.
Orjana Gremi ka treguar në polici se: “Pasi kam dalë nga spitali me foshnjën në duar, kam marrë një taksi dhe jam nisur në drejtim të fshatit Bardhaj. Më pas kam vazhduar rrugën drejt fshatit Myselim në këmbë, me bebin në dorë dhe dy qese plasmasi me vete. Kam ecur për rreth 1.5 km rrugës të asfaltit. Në këtë vend në një rrugicë që shkon drejt bregut të lumit KIR, jam futur dhe jam afruar tek Lumi KIR. Kam futur në një qese fëmijën që e kisha quajtur Egzon, të cilin e kam mbështjellë me një batanije bojëqielli, dhe e futa në Lumin KIR, duke e lënë aty…”.
Policia ka shkuar sërisht në vendin e treguar prej Orjana Gremit dhe tashmë jo në drejtimin ku kishte treguar një natë më parë, por në drejtim të kundërt, në një distancë rreth 6 m larg bregut u konstatuan, dy çanta plasmasi, njëra me ngjyrë bojë qielli dhe tjetra ngjyrë të bardhë të cilat ishin gjysëm të zhytura dhe ndodheshin pranë njëra-tjetrës.
Pasi qeset u nxorrën në bregun e lumit KIR, u hap fillimisht qesja ngjyrë qielli, e cila ishte e lidhur në grykën e saj me një tel plastik. U konstatua se brenda qeses ndodhej një batanije ngjyrë qielli që mbëshitllte diçka, që pas hapjes u konstatua se ishte një foshnjë e pajetë.
Menjëherë u njoftua ambulanca dhe u kryen veprimet në vendin e ngjarjes.
Në vendin e ngjarjes u gjetën receta mjekësore që mbanin emrin e shtetases Orjona Gremi, u gjetën dy kuti të zbrazura në tokë, tableta medikamentesh, shishe plastike, shishe biberoni, të cilat ishin shpërndarë në tokë në vendin ku kjo shtetase kishte qëndruar.
Sendet e sipershënuara u sekuestruan në cilësine e provës materiale.
Është bërë kqyrja e kufomës së foshnjës dhe u bë autopsia. Në pamje të përgjithshme foshnja nuk kishte shenja dhune por kishte të formuara në trupin e foshnjës shenjat kufomore.
Ju mor mostër biologjike me qëllim ekspertim AND per krahasim me mostrën biologjike marrë nga shtetasja Orjana Gremi.
