Ditën e sotme në orën 10:00 zhvillohet mbledhja e radhës e Partisë Socialiste.
Në fokus të kësaj mblidhje pritet të jenë zgjedhjet e 14 majit dhe çështje që lidhen me aktivitetin parlamentar. Një ndër këto tema është diskutimi për ndryshimet ligjore të propozuara sa i përket largimit nga politika të të gjithë atyre që socialistët pretendojnë që kanë qenë bashkëpunëtorë të Sigurimit të Shtetit.
Një çështje tjetër që pritet të diskutohet në mbledhje është zgjedhja e Avokatit të ri të Popullit por edhe amnistinë fiskale, një ndër projektligjet më të kritikuara nga ndërkombëtarët e cila kërkon 84 vota për t’u miratuar në Kuvend.
Opozita ka dalë kundër kësaj nisme të qeverisë Rama, pasi sipas tyre, kjo i hap rrugë parave “të pista” të futen në Shqipëri.
