Një 25-vjeçar shqiptar i ka shpëtuar një atentati në Gjarmani. Sipas policisë gjermane kemi të bëjmë me një tentativë vrasje, ndërsa nuk bëhen të ditura më tepër detaje në lidhje me mënyrën e atentatit.
Sipas mediave 25-vjeçari shqiptar është qëlluar disa herë mbrëmjen e së shtunës. Policia gjeti të riun të plagosur në vendin e ngjarjes dhe më pas u bë dërgimi i tij për në spital ku iu nënshtruar një ndërhyrje kirurgjikale.
Bëhet me dije se 25-vjeçari është jashtë rrezikut për jetën. Mësohet se të shtënat me armë kanë ndodhur pas një përleshjeje që kishte ndodhur në një lokal në Dessauer Strasse ku ishte përfshirë edhe i riu shqiptar.
Sakaq ende nuk dihet kush janë autorët që kanë qëlluar dhe se hetimet për këtë ngjarjeje vijojnë. Po ashtu edhe identiteti i të plagosurit nuk bëhet i ditur.
