Ditën e sotme u mbajt seanca gjyqësore e Arbër Paplekajt në Gjykatën e Shkallës së Parë Elbasan, i akuzuar për vrasjen e Pjerin Xhuvanit në 21 prill të vitit 2021.
Mësohet se seanca është shtyrë për në muajin shkurt, ndërsa këtë të premte para trupit gjykues dëshmuan katër persona.
Mësohet se në seancën e sotme i pari ka dëshmuar Arjan Hoxha, ish përgjegjës i sigurisë për shtabin elektoral të subjektit politik Partia Demokratike për qarkun Elbasan.
Në vijim kanë dëshmuar Erjon Demushi, Pavlo Vuksani dhe në këto momente është duke dëshmuar Nuredin Kasmi.
Të 4 dëshmitarët i kanë qëndruar dëshmive të dhëna rreth ngjarjes, por interesit të palëve në proces i janë përgjigjur shkurt dhe të prerë se “ nuk dinë gjë” dhe “nuk mbajnë mend asgjë”.
Në listë janë në cilësinë e dëshmitarëve okularë plot 59 persona, përfshirë dhe punonjësit e policisë së shqiponjave dhe dy ish zv drejtorët e Policisë.
