Një 28 vjeçare shqiptare është përplasurnga një motor gjatë mbrëmjes së djeshme në Itali. Sipas medieve italiane, e reja shqiptare përveçse është përplasur, më pas është grabitur nga drejtuesi i motorit. Ngjarja ka ndodhur rreth rreth orës 16:30, në Porta Nuova të Milanos.
28-vjeçarja po lëvizte me biçikletë kur u godit nga motori, që e rrëzoi përtokë. Në atë moment, drejtuesi zbriti, iu afrua dhe i mori çantën ku ajo mbante dy telefonë dhe portofolin, e më pas u largua menjëherë nga vendngjarja.
Fatmirësisht e reja mësohet se nuk pësoi dëmtime serioze dhe ishte ajo që i tregoi gjithë ngjarjen karabinierëve. Ata kanë sekuestruar edhe kamerat në zonë me qëllim identifikimin dhe kapjen e autorit.
