Kryeministri i Shqipërisë, Edi Rama ka pritur në zyrë ambasadorin e OSBE-së, Guido De Sanctis. Diplomati ka ndarë detaje rreth takimit, ndërsa shprehet se është diskutuar mbi prezencën e OSBE në Shqipëri, e cila është e pranishme jo vetëm në institucionet shqiptare, por dhe tek shoqëria në implementimin e reformave.
Në fund ai thotë se pret një bashkëpunim të madh mes OSBE-së dhe Shqipërisë.
“Kam kënaqësinë që takova sot Kryeministrin Edi Rama dhe të diskutojmë me të, OSBE në Shqipëri gjithnjë e pranishme për institucionet dhe shoqërinë e Shqipërisë në rrugën e Reformave. Faleminderit për mirëpritjen në Shqipëri dhe presim një bashkëpunim të madh”, shkruan Guido De Sanctis.
Ambsadori i OSBE-së Guido De Sanctis erdhi në Shqipëri në dhjetor të 2022.
