Deputetja e Partisë së Lirisë, Monika Kryemadhi ka vijuar me publikimin e videove që tregojnë aferën e madhe të inceneratorit të Tiranës.
Nga studio e “Syri TV” Kryemadhi tha se punuan 180 ditë për të kryer investigimin në landfillin e Sharrës duke vërtetuar se miliona euro po shhkojnë për llogari të koncesionarit pavarësisht se nuk realizohet diferencim dhe incenerim, por vetëm groposje e mbeturinave.
“Rama i ftoi shqiptarët që të shkojnë dhe të bëjnë një shëtitje në Sharrë që të shohin inceneratorin. Ne shkuam. Aty pamë që pirgjet me plehra nuk diferencoheshin, nuk përpunoheshin, nuk ktheheshin në burim siç thotë kryeministri. Kjo shishe uji nëse hidhet në plehra nuk i rikthehet konsumatorit. Vendosëm ta mbajmë nën survejim prej një kohe të gjatë. Vetëm nga bashkia e Tiranës janë paguar 54 mln euro. E survejuam për 180 ditë. Kryeministri ka thënë se përgjegjësia është personale. Këtu tashmë është kolektive, jo më personale. Kemi bërë padi juridike, kemi bërë denoncim për evazionin fiskal. Këtu nuk është më individuale. I gjithë procesi është në flagrancë”, tha Kryemadhi.
Në vijim, Kryemadhi shtoi se vjedhja e pronraëve të inceneratorëve përmes faturave fictive të TVSH-së shkon në 189 milionë euro dhe se janë 13 kompani të cilat kanë bërë evazion fiskal me të kërkuarin e SPAK, Klodian Zoto.
“Ne nuk morëm pushkën, por diferencuam mbetjet. Morëm dronin. Për mbetjet e diferencuara bashkia e Tiranës është 51% pronare, ka drejtor të kompanisë Taulant Tushën, është “Eco Tirana”. Janë edhe kompanitë “Alco”, “Fusha sh.p.k”. 15 euro pa TVSH i merrkan tre kompani të tjera, përveç 29 euro pa TVSH. Domethënë shqiptarët në Tiranë paguajnë 65 euro për ton/mbetje. 54 pa TVSH, shto dhe TVSH, se TVSH-në ne e paguajmë. Shqiptari e blen bukën 700 lekë me TVSH. Ato 189 mln euro ca ishin? Vjedhja e TVSH. Atë TVSH nuk e ka marrë shteti, por inceneratori”, tha Kryemadhi.
Sakaq, deputetja e PL sqaroi se Klodian Zoto e ka 27 milionë euro evazionin fiskal.
“189 mln euro janë për 24 kompani, evazioni fiskal. 6231 fatura i kam dorëzuar SPAK-ut. 13 janë kompani që kanë bërë evazion fiskal me inceneratorët, me Klodian Zoton. Këto 13 kompani në 189 mln euro, 27 mln euro janë të Klodian Zotos të inceneratorit të Tiranës, Fierit dhe Elbasanit. Në 54 mln euro që ka paguar bashkia e Tiranës, 11 mln euro janë TVSH. 11 mln euro janë në këtë 27 mln euro evazion të Klodian Zotos. 123 mln dollarë janë paguar nga qeveria deri tani për kompanitë e Zotos për Elbasanin, Tiranën dhe Fierin. 33 mln euro Elbasani, 36 mln euro Fieri dhe pjesa tjetër për Tiranën. Në këto 54 mln euro, 11 mln euro janë TVSH“, sqaroi Kryemadhi.
