Drejtori Rajonal i OSHEE-së, Armand Zhuka thotë se moti i keq me rreshje të dendura shiu dhe erë të fortë në Shkodër ka shkaktuar dëme në linjat që bëjnë shpërndarjen e energjisë elektrike nëpër zona.
Problematike paraqitet situata në perfiferi të vendit ndërsa në qytet njofton ai, furnizimi me energji elektrike është 100 %. Zhuka shton se, zonat më të prekura janë zonat periferike dhe malore.
Ai bën me dije se po punohet për të kthyer energjinë elektrike në shtëpitë e banorëve.
“24 orarëshi ka qenë shumë herë më i keq. Kemi pasur shumë problematika, shkëputje energjie për disa arsye, kryesorja nga moti i keq që ka shkatërruar linjat tona në disa segmente rurale. Janë marrë masat. Qyteti i Shkodrës është 100 për qind me energji. Rrethinat janë pjesërisht me energji dhe në disa kabina janë duke punuar akoma. Problematikat më të mëdha janë në zonat periferike, në zonat malore.
Grupet e punës ndodhen aty për rikthimin e energjisë.”, u shpreh Zhuka.
