Gazetari dhe analisti Armand Shkullaku shprehet se Edi Rama justifikohet sa herë zyrtarët e tij kapen në vjedhje.
Në emisionin “Çim Peka Live”, Shkullaku kujtoi propagandën e Edi Ramës në 2013 kur fliste për faj të sistemit.
Ndërsa sot, shtoi ai, diskuri i kreut të qeverisë është tjetër, faji ose përgjegjësia është indivuale.
“Kur Edi Rama erdhi në pushtet në 2013 me Ilir Metën pas akuzave monstruoze, u bë 21 janari. Kur e pyesin në intervistë te DW, tip Hard Talk, për koalicionin me Ilir Metën, Rama deklaroi nuk ka përgjegjësi individi, këtu ka përgjegjësi sistemi. Në këtë sistem që ka ngritur Sali Berisha cilido individ korruptohet. Sistemi që do ngre unë do ta ketë të pamundur që të vjedhë. Tani gjithë diskuri i Ramës nga 2013 e këtej sa herë kapet me duar në xhepat e shqiptarëve thotë është përgjegjësi individule, nuk kam çfarë të bëj, kanë ngrënë dardha dhe mollë pas shpinës time. Ministri i Brendshëm më jetëgjatë në historinë e Shqipërisë ishte anëtar i një organizate ndërkombëtare kriminale të trafikut të drogës. Reforma në drejtësi nuk funksionon se sot e kësaj dite ne vazhdojmë të paguajmë inceneratorin e Tiranës ku afera është më e madhe se inceneratori i Elbasanit dhe Fierit. 70 mijë euro paguhen në ditë vetëm diferenca mes incenerimit dhe kapsulimit. I kushton qytetarëve dhe paguajnë për ata që janë arratisur dhe që i shpërndajnë e i fusin në tuba sobash”, tha Shkullaku.
