Një 54-vjeçar shqiptar ka humbur jetën tragjikisht në Itali, pas një aksidenti të rëndë në punë.
Rainews.it raporton se ngjarja ka ndodhur në provincën e Novarës, ku 54-vjeçari ka rënë nga një lartësi prej rreth pesë metrash, teksa po punonte në varrezat e Castelletto Ticino.
Shqiptari është dërguar me helikopter në spital, ku i është dhënë dhe ndihma e parë nga mjekët, por plagët e rënda i kanë marrë jetën.
Në momentin e aksidentit, burri, identiteti i të cilit ende nuk është bërë i ditur, kishte hipur në një shkallë. Për arsye ende të paqarta ai u rrëzua duke marrë dëmtime të rënda në kokë por edhe në shpinë.
