Viti 2023 ka nisur me një rritje të konsiderueshme të numrit të pacientëve të prekur nga gripi sezonal.
Sipas bluzave të bardha, simptomat e këtij gripi që ka ardhur në formë më agresive këtë vit janë temperatura e lartë, ethet dhe problemet në rrugët e frymëmarrjes.
Ajo që vlen për t’u theksuar është se ky grip ka gjasa të përsëritet në pak kohë, sidomos tek mosha pediatrike. Gazetari i tvklan raporton se është një numër i lartë i pacientëve të shtruar në qendrat spitalore dhe se mjekët bëjnë apel që qytetarët të bëjnë kujdes me grumbullimet në ambiente të mbyllura dhe të vënë maskën si masë mbrojtëse.
Sipas ekspertëve shëndetësorë pritet që 2 javëshi i parë i muajit të ardhshëm të ketë një rritje të infektimeve nga ky grip.
