Një arsenal armësh u gjet në bagazhin e një automjeti që drejtohej nga 36-vjeçari Antonio Leka ditën e djeshme në aksin Milot-Lezhë.
Ndërkaq këto janë pamjet vetëm pak minuta para arrestimit të 36-vjeçarit.
Ai shfaqet nën shoqërinë e disa personave të tjerë, në brendësi të një servisi automjetesh në qytetin e Lezhës.
Arrestimi i tij mësohet se ka ardhur pas një telefonate në polici nga nëna dhe i vëllai i tij të cilët referuan rastin me frikën se i afërmi tyre mund të kryente ndonjë akt të rëndë.
Vetë 36-vjeçari Leka në polici ka dhënë deklarata kontradiktore, çka ka shtyrë hetuesit të dyshojnë për probleme psikologjike të tij. Për këtë arsye prokuroria pritet të analizojë nga ana shëndetit mendor të arrestuarin.
Gjatë momentit të arrestimit Antonio Leka, nuk ka shfaqur rezistencë ndaj punonjësve të policisë, por u ka thënë këtyre të fundit se ishte nisur në drejtim të Lezhës, për të vrarë politikanët.
“…do vras politikanët e Lezhës, dhe të zhduk farën e keqe të tyre…” ka pohuar Leka.
