Të paktën 17 persona kanë vdekur në përleshjet mes mbështetësve të ish-presidentit dhe forcave të sigurisë në Perunë juglindore, thonë zyrtarët. Dhjetëra të tjerë u plagosën të hënën në qytetin e Juliaca.
Protestat e dhunshme nisën që kur ish-presidenti Pedro Castillo u arrestua muajin e kaluar për përpjekje për të shpërndarë Kongresin.
Mbështetësit e tij kanë protestuar dhe bllokuar rrugët prej javësh. Ata thonë se presidentja e re Dina Boluarte duhet të largohet dhe duan zgjedhje të parakohshme.
Kryeministri Alberto Otárola denoncoi përleshjet në Juliaca, duke i përshkruar ato si një sulm të organizuar ndaj policisë. Ai tha se mijëra njerëz ishin përpjekur të pushtonin aeroportin e qytetit dhe një stacion policor lokal.
Ndërkohë, një protestues i tha agjencisë së lajmeve AFP: “Policia po qëllon mbi ne. I kërkojmë Dinës të japë dorëheqjen, prano faktin që njerëzit nuk të duan”.
