Kryeministri Edi Rama përveç politikës, artit dhe drejtësisë që ka synuar gjithmonë t’i ketë nën diktatin e tij persona, duket se ka edhe një pasion të veçantë për të ndërhyrë në punët e Federatës Shqiptare të Futbollit.
I njohur për raportin miqësor me kreun e saj Armando Duka, Rama prej kohësh përflitet se është mjaft i përfshirë edhe në çështje të rëndësishme siç është përzgjedhjen e trajnerit të ri të Kombëtares së futbollit.
Teksa në kohën kur Edi Reja u shfaq në shkallët e stadiumit “Loro Boriçi” edhe pranë Ramës, duke synuar të zëvendësonte Kristian Panuçin askush nuk e besonte ndikimin e kryeministrit, duket se ka ndodhur e kundërta me zëvendësuesin e ish-lacialit.
Kohë më parë Rama ka qenë i pranishëm në një drekë me presidentin e FSHF-s Armand Duka dhe ish-lojtarin e Interit dhe Argjentinës Esteban Kambiaso, i cili u përfol si tekniku i ri i kombëtares për disa muaj.
Por edhe pse Kambiaso nuk u përzgjodh, fatin e tij duket se ka patur edhe tekniku i ri Silvinho, të cilin Duka e ka ulur në një darkë me shefin e qeverisë.
I pyetur për këtë çështje, presidenti i FSHF-s ka pohuar takimin mes tij dhe kryeministrit të vendit së bashku me trajnerin e ri Silvinho dhe stafin e tij mbrëmjen e djeshme dhe është shprehur se darka është kërkuar prej tij për një arsye specifike.
“Po është e vërtetë që jemi takuar me kryemionistrin Edi Rama sëbashku me stafin e ri të kombëtares. Një takim të cilin e kërkova vetë, për ta prezantuar dhe për t’i theksuar edhe nga drejtuesi i shtetit shqiptarë, vlerën që ka skuadra jonë kombëtare. Kombëtarja e futbollit tonë është më shumë se skuadër futbolli për ne. Dhe këtë gjë e theksoi edhe kryeministri në takimin që patëm së bashku me stafin e ri”, tha Duka.
