Moti për ditën e Diel parashikohet i kthjellët në të gjithë territorin përjashtuar vranësirat e pakta kalimtare në orët e mëngjesit dhe mbrëmjes, sipas Shërbimit Meteorologjik Ushtarak.
Gjithashtu, në orët e mëngjesit dhe orët e mbrëmjes në zonat luginore do të ketë mjegull të dendur apo mjegullinë si dhe shikim të reduktuar.
Era do të fryjë e lehtë me drejtim kryesor nga kuadrati i veriut dhe shpejtësi 1-5m/s, ndërsa në orët e mbrëmjes era kthen drejtim nga kuadrati i jugut dhe fiton shpejtësi deri në 6-8m/s.
