Autori i plagosjes me armë zjarri në Kosovë është vënë në pranga nga policia pak pas ngjarjes. Ngjarja ndodhi mbrëmjen e sotme në Drajkovc të Shtërpcës, ndërsa autori është identifikuar me iniciale A.K. i moshës 33 vjeçar.
“I dyshuari është duke u shoqëruar në Policinë Rajonale të Ferizajt, përkatësisht Sektorin Rajonal të Hetimeve, për veprime tjera hetimore”, thuhet në njoftim.
Mbrëmjen e sotme policia njoftoi se dy persona, njëri 11-vjeç e tjetri 31-vjeç, janë plagosur në fshatin Drajkovc të Shtërpcës, pasi në drejtim të tyre është shtënë me armë zjarri nga një automjet në lëvizje. Të plagosurit janë jashtë rrezikut për jetën.
