Nga Boldnews.al
Universiteti Politeknik i Tiranës i ka dhënë një “shuplakë” të mirë firmës “Salillari”, duke e përjashtuar nga një tender i majmë prej 10 milionë eurosh, me arsyetimin se “s’ka punë të ngjashme dhe s’ka kontrata të suksesshme”.
Megjithëse kjo firmë ka fituar dhjetëra tendera, nga Kukësi në Sarandë, apo edhe koncesione, ky universitet i ka analizuar të gjitha kontratat, teksa doli në përfundimin se “s’ka punuar mirë…”. Pra, u desh Universiteti Politeknik, ai i cili merret pikërisht me ndërtime, që të vendosë “vulën” për një nga firmat më të debatuara në vendin tonë, e vënë shpeshherë nën akuzë për cilësinë e punimeve, sicc ishte edhe rasti i mirëmbatjes së rrugës Borshit që u shemb. Në vendimin voluminoz të Universitetit, kopje të së cilit e disponone dhe BoldNews,al, detajohen të gjitha arsyet e skualifikimit të “Salillarit”, megjithëse kishte ofertën më të ulët.
Sipas dokumenteve që disponon BoldNews.al, Universiteti Politeknik ka shpallur fituesin e tenderit me objekt “ndërtim i ri godina e Fakultetit të Inxhinierisë së Ndërtimit 1.5.6 dhe 7 kat, me një kat nëntokë”. Mësohet se afati për zbatimin e kësaj kontrate është 36 muaj nga lidhja e kontratës. Në dokument shkruhet se në këtë tender morën pjesë disa firma apo bashkime operatorësh, ku ofertën më të ulët e kishte BOE “Salillari” & G.P.G Company me një vlerë 1.019.628.005 lekë pa TVSH. Firma 4 “A-M”, e cila u shpall edhe fituese, ofroi 1.073.768.480lekë, ndërkohë “ARCON STUDIO” oferoi 1.077.275.579 lekë. Lista vijon me disa firma të tjera që ofruan më shumë.
Por, “lajmi” në këtë tender nuk ishte fituesi, por s’kualifikimi i firmës “Salillari”, e cila ka fituar një mori tenderash apo koncesionesh. Dhe, ta s’kualifikojë Universiteti Politeknik, kjo po që duhet të jetë një “këmbanë alarmi” për të gjitha institucionet e tjera, të cilat janë vënë në “radhë” nga drejtuesit e kësaj firme apo njerëzit e pushtetshëm politikisht që qendrojnë pas saj.
BoldNews.al shfletoi dokumentet e këtij tenderi, ku Universiteti shkruan se firma e parë që është s’kualifikuar nuk është as më shumë e as më pak por vetë firma “Salillari”. “Nga pjesëmarrësit janë skualifikuar BOE ‘Salillari & G.P.G Company’” thuhet në dokument, ku arsyeja e parë ka të bëjë me përqindjen e punimeve, ku “Salillari” ka “gënjyer” këtë autoritet. “Ndarja e zërave të punimeve nuk përputhet me përqindjen e marrë përsiper nga operatori ekonomik ‘G.P.G COMPANY’, por rrjedhimisht edhe me përqindjen e marrë përsiper nga anëtari i tjeter i BO ‘Salillari’” thuhet në këtë dokument.
Por, “shuplaka” ishte te punët e suksesshme. “Nuk plotëson kriteret e veçanta për kualifikim, pasi me dokumentacionin e paraqitur në përmbushje të këtij kriteri, nuk arrin të provoni se keni përvojë të suksesshme në kontrata të mëparshme për punë teë ngjashme”. Madje, Universiteti i ka renditur edhe kontratat;
– Kontratën me objekt: “Faza e Katërt e punimeve për objektin: Ndërtim, Përmirësim, Shfrytëzim, Mirëmbajtje te autostradës Milot-Morine”
– Kontraten me objekt: ”Rikualifikim i Sheshit Italia”
– Kontraten me objekt:”Rikonceptim i parkut te lojërave te fëmijë dhe parkim publik 2 kate nen toke ne rrugën e Elbasanit”
– Kontraten me objekt: “Riparimi i Shkollës “Dom Nikolle Kacorri”.
“Kontratat e ngjashme që të mund të konsiderohen të tilla duhet të plotësojnë në mënyrë kumulative elementin e kohës, vlerës dhe natyrës së ngjashme. Pra, kontratat duhet të jenë përfunduar brenda afatit, duhet të plotësojnë madhësinë e kërkuar nga autoriteti kontraktor, 50% të vlerës së fondit limit për një objekt të vetëm apo dyfishi i vlerës limit të kontratës që prokurohet” thotë UPT. “KVO konstaton se në kontratën me objekt ‘faza e katërt e punimeve për objektin mirëmbajtje e autostradës Milot-Morinë, në asnje rast nuk dëshmohet se disponohet eksperienca e nevojshme për punimet e parashikuara në preventiv dhe specifikimet teknike të procedures objekt prokurimi. … Pjesë e kësaj kontrate është edhe një nënobjekt që mund të konsiderohet i një natyre të njëjtë me objektin e prokurimit, pjesë e preventivit Toll Plaza, por vlera e saj është shumë më e vogël se 50 % sipas kriterit të përcaktuar nga AK”-thotë Universiteti.
