Policia ka reaguar në lidhje me aksidentin tragjik ku humbën jetën tre persona dhe u plagosën 4 të tjerë.
Blutë bëjnë me dije se në aksident janë përfshirë dy makina dhe kanë humbur jetën 3 persona. Mes tyre dhe një grua, e cila nuk ka mundur t’i mbijetojë plagëve të marra.
Po ashtu janë transportuar për spital dhe 4 persona të tjerë, Mërgim Lazri 25 vjeç, Edison Lazri 20 vjeç, Kadrie Markeçi, Firuze Istrefi 56 vjeç.
“Rreth orës 18:15, në aksin rrugor Fushë Bulqizë-Shupenzë, në vendin e quajtur ‘Ura e Gjoricës’, janë përfshirë në një aksident rrugor 2 automjete dhe për pasojë kanë humbur jetën në vendngjarje shtetasit K.I., dhe M.I. si dhe ka humbur jetën në spital shtetasja L.I. Gjithashtu janë transportuar për ndihmë mjekësore në spital shtetaset F.I., K.M., dhe shtetasit M.L., E.L., pasagjer në automjete”, njofton policia.
Grupi hetimor ndodhet në vendin e ngjarjes po punon zbardhjen e shkaqeve të aksidentit.
