Policia ka goditur një rast të veprimtarisë kriminale në fushën e vjedhjes së pronës dhe pasurisë.
Uniformat blu kanë arrestuar 34-vjeçarin me iniciale V.K, pasi akuzohet se hynte dhe vidhte në banesa me dyer të blinduara, duke përdorur çelësa të klonuar. Policia bën me dije se ky shtetas ka qenë i dënuar më parë për të njëjtën veprimtari kriminale, gjithashtu shpallet në kërkim edhe bashkëpunëtori i tij.
Gjithashtu zbardhen dhe dokumentohen 10 raste të vjedhjes në banesa të ndryshme, duke përdorur çelësa të klonuar.
Në cilësinë e provës materiale janë sekuestruar 2 aparate celulare dhe çelësa që autorët i përdornin gjatë kryerjes së vjedhjeve.
“Në kuadër të këtij operacioni u bë arrestimi në flagrancë i shtetasit: V. K., 34 vjeç, banues në Durrës, i dënuar më parë për të njëjtën veprimtari kriminale. Gjithashtu, u shpall në kërkim bashkëpunëtori i tij, shtetasi A. Q., 39 vjeç, banues në Tiranë.
Shtetasi V. K., më datë 30.12.2022, është kapur në flagrancë, nga shërbimet e Policisë, gjatë kohës që po tentonte të vidhte në një apartament, në rrugën “Sami Frashëri”.
Nga hetimet e kryera ka rezultuar se ky shtetas, në bashkëpunim me shtetasin A. Q., gjatë këtij viti, me anë të çeësave të klonuar, kanë vjedhur shuma parash dhe sende me vlerë, në 9 apartamente, në zona të ndryshme të Tiranës, konkretisht:
– Më datë 04.03.2022, kanë vjedhur në banesën e shtetasit B. M.;
– Më datë 20.03.2022, kanë vjedhur në banesën e shtetasit L. C.;
– Më datë 15.07.2022, kanë vjedhur në banesën e shtetasit A. K.;
– Më datë 06.08.2022, kanë vjedhur në banesën e shtetasit A. D.;
– Më datë 03.10.2022, kanë vjedhur në banesën e shtetasit A. Z.;
– Më datë 05.11.2022, kanë vjedhur nl banesën e shtetasit A. B.;
– Më datë 10.11.2022, kanë vjedhur në banesën e shtetasit A. N.;
– Më datë 23.11.2022, kanë vjedhur nl banesën e shtetasit B. M.;
– Më datë 30.12.2022, kanë vjedhur në banesën e shtetasit E. Gj;
Vijon puna për kapjen e bashkëpunëtorit të shpallur në kërkim, identifikimin e personave të tjerë të përfshirë në këtë veprimtari kriminale, si dhe dokumentimin e rasteve të tjera të vjedhjes që mund të jenë kryer nga këta shtetas”, njofton policia.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
