Kreu i PD-së, Sali Berisha ka postuar në Facebook një video nga fjala e tij në Kuvend, ku kërkon që kryeministri Edi Rama të rrisë pagat e ushtarëve dhe policëve, në vend që të vjedhë me dronët dhe satelitët.
“Në vend që të rrisë rrogat e ushtarëve, oficerëve, policëve, Edi Rama e ka mendjen tek vjedhja nëpërmjet dronëve dhe satelitëve,” shkruan Berisha krahas videos.
Berisha shprehet se gjysma e ushtarëve kanë dhënë dorëheqjen pasi nuk jetojnë dot me pagën mizerabël që marrin.
“Sa i blen dronet, na e thuaj pak? Nuk e thua çmimin se vjedh, sepse në të gjithë botën, çfarëdo që të blihet, edhe sistemet më të sofistikuara, kanë çmim dhe u tregohet popullit, po shpenzohet kaq. Kurse këtu gjithçka vendoset si në shpella.
Në radhë të parë ato para përdori për të rritur rrogat e ushtarëve, janë gjysma e ushtarëve që kanë dhënë dorëheqjen, nuk jetojnë dot me pagën mizerabël që marrin. Të paguajnë ushtarët njëherë, të paguajmë oficerët, të paguajnë policët, pastaj të shkojnë te satelitët,” thotë Berisha.
