Kur na ndajnë 5 muaj nga zgjedhjet lokale të 14 Majit 2023, në Librazhd duket se qytetarëve u ka sosur durimi me qeverinë dhe pushtetin lokal, aq shumë sa për t’u ngritur në protestë për të kërkuar investimet që u janë premtuar.
Banorë nga qyteti por edhe fshati Spathar që gjendet vetëm 1 kilometër larg bashkisë, u mblodhën në sheshin e qytetit ku zhvilluan një protestë, duke adresuar problemin e vëmendjes së munguar ndaj kërkesave të tyre.
Në Spathar, rruga prej 3 kilometra është lënë në harresë dhe banorëve ju duhet të realizuar nevojat e jetës së përditshme.
“Librazhdi nuk është thjesht ballkoni që është lënë pas dore, që gjithmonë ka qenë i gatshëm të votojë, por Librazhdi sot është vetë grabitur. Librazhdit i është marrë uji, Librazhdit i është marrë pylli, dhe Librazhdit i është vënë vetëm bërryli”, tha një nga qytetarët në protestë.
